Алгай авылы

Ах, бу күңел! /Альбина Баширова/

admin — Fri, 23 Apr 2010 20:33:11 GMT

Ах, бу күңел!
Һаман нидер көтә, нидер өмет итә,
Әйтерсең лә
Бөтен сүзләр әле әйтелмәгән;
Безгә дигән яз гөлләре әле һаман тик бөредә;
Күпме юллар калган әле, калган, үтелмәгән.

Ах, бу йөрәк...
Һаман тибә, һаман нидер таләп итә!
Кинәт кенә
Ялкынланып, дөрләп янып ала...
Әйтерсең лә
Безнең хисләр, яшьлек әле дәвам итә -
Яз сулышын сизеп, ярсу бер дәрт белән тула!

Ах, бу хыял!
Канатланып оча, каядыр чакыра...
Максатыма
Барыр юлда маяк булып тора.
Хәтта күктә
Янган йолдызларны сузылып кына ала!
Без үтәсе юлларны яктыртып алдан бара!

Күңел көтә,йөрәк тибә, хыял каядыр чакыра...
Хыялланыйк, өметләник,
Иң шәп юлдаш - өмет!
Сөегез һәм сөелегез, һәрбер көнгә сөенегез -
Болытлы көннәр үтәр дә,
КОЯШ чыгар көлеп!

Күралмыйм! /Альбина Баширова/

admin — Fri, 23 Apr 2010 20:31:33 GMT

Ә мин сине күрә алмыйм
Бәхетемне тыйган өчен.
Рәнҗеш булып төшсен сиңа
Һәрбер тамган күз яшем.

Җаным, тәнем белән сине
Күрә алмыйм шулчаклы,
Үзеңнеке иткән өчен
Мин җылыткан кочакны.

Бары нәфрәт күңелемдә,
Тыя алмыйм хисемне.
Урлап алган бәхетеңне
Озакка барыр дисеңме?

Язмыш явыз - әле син дә
Бер тиешен алырсың.
Бәхетсезлек бәхет бирми,
Син дә ялгыз калырсың!

Нурсыз иттең кояшымны,
Сүнде соңгы өметем.
Син, явыз юлбасар кебек,
Җанымны талап киттең.

Җан ярасыннан кан тама,
Йөрәгем дөрләп яна...
Югал Аның тормышыннан,
Син лаек түгел Аңа!

Куркыныч төш кебек хәзер
Гомеремнең һәр көне...
Яшәү мәгънәсен югалттым...
Күрә алмыйм мин сине!

Очрашу /Альбина (Мэрьям) Баширова/

admin — Fri, 23 Apr 2010 20:22:37 GMT

Сине оныттым дип йөргән чакта
Очрадыгыз кинәт юлымда.
Бәхет тулы иде йөзләрегез,
Аның кулы Синең кулыңда...

Бу мизгелне күз алдына китереп
Күпме төннәр узды йокысыз!
Һәм менә сез, икәү аның белән
Парлап миңа каршы атлыйсыз...

Мине күргәч кинәт үзгәрдең син,
Болыт бастымыни йөзеңне.
Озакка түгел, оста актер кебек
Син тиз кулга алдың үзеңне.

Ә ул... мине хәтта танымады,
Беткәнмени кызлар урамда...
Күңел күзе кайчак сукыр була
Сөйгән ярың янда булганда.

Янда идең... Әле кайчан гына...
Вакыт шулай бик тиз уздымы?
Минем йөрәк каты тибә бугай,
Әллә ул гел туктап калдымы?...

Түздем тагын... берни булмагандай
Тыныч кына үттем яныңнан.
Җирдә бер яфрак та селкенмәде
Күңелдә ярсыган давылдан!

Кояшны болыт та капламады,
Җил давыл да кинәт купмады!...
Йөрәк кенә, түзми әрнүенә,
Тавыш тынсыз гына сыкрады...

Олы бер сер /Альбина (Мэрьям) Баширова/

admin — Fri, 23 Apr 2010 20:20:47 GMT

"Сагынасыңмы?"- дисең,
сагынамдыр шул...
Исемнәрең гел телемдә булмас иде.
Хыялдагы тавышыңны өндә ишетеп
Озак итеп тынлык тыңлап тормас идем...

"Көтәсеңме?"-дисең,
ә көтмәсәм
Һәр юк барны син килүгә юрыйммыни?
Һәр тавышка, "бәлки, синдер"- диеп
Кабат кабат чыгып карыйммыни?

"Сөясеңме?"-дисең...
(әй бәгырем,
Мондый юләр сорау бирмәсәң...)
Киләсеңне төгәл белмәсәм дә
Көтәмме соң, әгәр сөймәсәм?

Ачу катыш нәфрәт тулы күзләр,
Гаепсезгә әйткән нахак сүзләр
Күтәрәмме, әгәр сөймәсәм?
"Нишләсә дә гафу итәм!"-диеп
"Килсен генә, кабул итәм..."-диеп
Сүз бирәмме, әгәр сөймәсәм?!!!

Мәхәббәтсез, инде ничә еллар
Өмет яшимени күңелдә?!!!
Сөюемне, олы бер сер итеп
Ялгыз саклыйм йөрәк түремдә....

Очабызмы? /Альбина (Мэрьям) Баширова/

admin — Fri, 23 Apr 2010 20:18:38 GMT

Очабызмы? Очыйк әйдә
Сынган канатларны ялгап,
Түбәннәргә өстән карап...

Хыялый без. Таш өстендә
Үстерәбез матур гөлләр...
Кайберәүләр "җүләр!" диләр.

Артык гади. Шуңадырмы
Кешегә дә санламыйлар.
Нишләтәсең, аңламыйлар!

Тырышабыз. Күп очракта
Нәтиҗә дә мөһим түгел.
Очабыз шул - "гәүдә җиңел".

Ышанабыз. Бөтен нәрсә
Бик тә әйбәт булыр төсле -
Яшәүгә омтылыш көчле.

Түзәбез без.. Кайчагында
Үз-үзеңне көчкә тотып,
Авыз тулы канны йотып.

Ә шулай да без бәхетле -
Шуышмаска насыйп булган!
Очабызмы? Очыйк әйдә!!!
Без очарга яратылган!

Нәни кыз... /Зиля Галиуллина/

admin — Fri, 23 Apr 2010 20:12:42 GMT

Салмак кына мамык карлар ява
Нәни генә бер кыз йөзенә.
Шатланырга ничек тырышса да
Моңсулыгы чыккан кузенә.
Самимилек белән бергә кызда
Зур йөрэк ярасы куренә.
Бик нык яшь булса да төшенгән ул
Бу тормышның барлык серенә.
Кургәне бар ачы кайгысын да,
Эссе көндэ җанын өшеткеч.
Кургәне бар бик зур шатлыгын да,
Зур хыялга бирлеп йөреткеч.
Өметсезлек учагында янгач,
Бу хыяллар тиздән сунәчәк.
Тормыштагы тирән баткаклыкта
Кызның эзе булды бер чәчәк.
Узыр вакыт,утер бик куп айлар,
Аңлар егет хата кылганын.
Әмма кушып булмый берничек тә
Бер елганын ике ярларын....

Тормыш /Ильсина Низамиева/

admin — Fri, 23 Apr 2010 20:09:08 GMT

Кайгы-хэсрэт килсэ бу тормышта,
Эйтэбез без язмыш сынавы.
Яшьлэргэ дэ хэтта тия икэн
Ул язмышнын кочле кыравы.
Котмэгэндэ сине югалтуны,
Кичерэ адмый кунел сызлана.
Эйтэсендер кебек син пышылдап:
"Гомер кыска яшэп кал гына!"
Тоштэ курэм имештер без
Хаман эле парта артында.
Шул елларга кабат-кабат кайтып,
Янартабыз барын, барынды.
Матур яз булса да табигатьтэ,
Инде шомырт коя чэчэген.
Нигэ икэн беркем берни белми,
Алда безне нилэр котэсен?
Бергэ йоргэн мэктэп сукмакларын
Кат-кат урасанда файдасыз,
Шатландырып безне, якыннарын
Чыгарсын кук балкып, елмаеп!

Иркәләнү. /Мансур Сагдиев/

admin — Fri, 23 Apr 2010 20:04:10 GMT

Иркәләнә белү – күркәм сыйфат:
Иркә гөлнең нәфис чәчәге!
Затсыз юлдаш – әрсез тигәнәкнең
Беркемгә дә булмый кирәге!

Иркәләнү – холык сынау түгел,
Хокук даулау түгел түшәктә!
Ул - хисләргә азрак ирек бирү,
Тулып-ташкан чакта йөрәкләр.

Иркәләнә белү – сирәк сыйфат,
Нәкъ иркәли белү шикелле…
Кызганыч шул – бихисап парларның
Гомерлек булуы – икеле!

Җырлагыз... /Илдар Юзеев/

admin — Fri, 23 Apr 2010 20:01:27 GMT

Җырлагыз...
Сәләтем юк, диеп тормагыз.
Авыр булганда да,Юллар уңганда да
Җырлагыз,Тавышым юк, диеп тормагыз.
Эчең пошканда да,
Дуслар кушканда да
Җырлагыз,
Кәефем юк, дип тормагыз.
Җырлагыз,
Күңел тулганда да,
Өмет сулганда да
Җырлагыз,
Җырсыз гомер итеп сулмагыз.
Җырлагыз,
Яшьлек узганда да,
Йөрәк сызганда да
Җырлагыз,
Башыгызны иеп тормагыз,
Җырлагыз,
Бәйрәм иткәндә дә,
Шатлык киткәндә дә
Гомерегезне сузып җырлагыз,
Җырлагыз.
Тавышым юк, диеп тормагыз,
Тавыш беткәндә дә,
Гомер үткәндә дә,
Эчтән генә... сызып җырлагыз,
Җырлагыз,
Гомерләрне узып җырлагыз,
Җырлагыз,
Үзегезгә үзегез җырлагыз,
Җырлагыз...

Мәхәббәт... /Кемдер/

admin — Fri, 23 Apr 2010 19:58:32 GMT

Көтмәгәндә сине очраттым да
Исердем мин чәчәк исенә
Бар дөньяны оныттым да кебек
Уралдым да сөю хисенә
Сине уйлап үтә һәр минутым,
Йоклый алмыйм, хәзер төннәрен.
Мәхәббәтнең шундый газабында,
Яндырасың тагын кемнәрне?!
Уйладым мин, бар да үтәр диеп,
Төзәлер диеп йөрәк ярасы
Ялгышканмын, ачы газап белән
Барасы да әле барасы....

------------------------------

"Гафу ит!" - дип,яннарыма килеп,
Күпме матур сүзләр яудырдың.
Никтер,кичерә алмыйм,син бит мине
Авырлыкта ялгыз калдырдың.
Яраларга тозлар сибә-сибә
Хәтеремдә читкә киткәнең.
Кайгыларым җиңеләйтер өчен
Нигә шулчак сабыр итмәдең?
Ачуланмыйм сине,үртәмим дә,
Яшьләр кипте инде күптәннән
Үтечем шул : оныт Мине,
Бер сүз дәшмә,яннан үткәндә...

-------------------------------

Эгэрдэ син мине соя торып,
Башкаларга кузен ташласан
Ялгыштым дип яннарыма килмэ,
Сойгэн ярын кабат ташласа.
Яратсам да сина сиздермэмен,
Ялынсан да гафу итмэмен.
Онытам дип оныталмасам,
Алалмасам сине жанымнан
Сагынсам да сине озелеп
Яннарына килеп ялынмам!